Nongpoh, Jylliew 15: Ka Ri Bhoi Youth Federation (RBYF), Sengkmie ka la ai ia ka jingiaroh ia ka rai jong ka sorkar jylla MDA 2.0 ba lamkhmat da u Conrad K Sangma kum u Myntri Rangbah ka jylla ban nang pynkhlaiñ shuh shuh ia ka Meghalaya Residents Safety and Security Act 2016 (MRSSA) ban tehlakam ia ka rung ka mih jong ki mynder ri shapoh ka jylla Meghalaya.
Dang shen ka Sorkar jylla Meghalaya ka la pynbna ba kan thaw lad biang ban bsut ia ki kyndon kiba kham khlaiñ ha ka MRSSA 2016, tang hadien ka jingshah pyniap u nongwan jngohkai pyrthei na Indore, Raja Raghuvanshi ha kshaid Wei Sawdong Sohra.
Haba kren bad ki Nongthoh Khubor, u President ka RBYF Bah Bipul Thangkhiew, u la ong, ba ka seng ka dap da ka jingkmen halor ka rai jong ka sorkar ban pynkhlaiñ shuh shuh ia ka kyndon ain jong ka MRSSA 2016 ban pyrkhing bad tehlakamia ka rung ka mih jong ki mynder ri shapoh ka jylla Meghalaya.
U la ong ruh, ba kane ka sienjam jong ka sorkar jylla ban shut nep bha ia ki bniat jong ka ain MRSSA ka dei kaba la ap khmih lynti da baroh ki kynhun sengbhalang bad wat ki paidbah jong ka jylla, kiba la nang iai dawa ruh ia ka jingpyntreikam ia ka Inner Line Permit (ILP) ha kane ka jylla Meghalaya.
“Ka RBYF ka la ai jingiaroh ruh ia ka sorkar jylla, ki bor pulit bad kiwei kiwei kiba la don bynta ban thwet ia kito ki runar kiba pynjah burom ia ka jylla Meghalaya da ka jingpyniap ia Raja Raghuvanshi kynthup ka kurim kaba la iasuhbuit ban leh ia kane ka kam bymman. Kane ka jingjia kala pynkyndit bynriew ia ka Jylla halor ka jinglait lan ka rung ka mih ki bar jylla kiba wan na kiwei ki jylla khamtam ki riew bymman”, ong u Bah Thangkhiew.
Shuh shuh ruh, na ka liang ka RBYF ka la dawa na ka sorkar jylla ba kan pyntreikam noh mardor sa ia ka Facilitation Centre kaba la sah khongreng kaba la dei tei ha Umling, Ri Bhoi District khnang ba lyngba katei ka khyrdop yn lah shisha ban peit pyrman ia ka rung ka mih jong ki bar jylla ne ki mynder ri.
, Sengkmie ka la ai ia ka jingiaroh ia ka rai jong ka sorkar jylla MDA 2.0 ba lamkhmat da u Conrad K Sangma kum u Myntri Rangbah ka jylla ban nang pynkhlaiñ shuh shuh ia ka Meghalaya Residents Safety and Security Act 2016 (MRSSA) ban tehlakam ia ka rung ka mih jong ki mynder ri shapoh ka jylla Meghalaya.){kind=link}