Shillong, Risaw 31: Ka SIM swap scam tricks lane ka SIM swapping ba ju tip kum ka SIM hijacking ( bujli tuh ia ki SIM Card), ka dei kawei pat ka buit thymmai ban leh ia ki kam thok kam shukor lyngba ki mobile phone ha kaba ki nongshukor ki lah ban pyniaid kat kaba ki mon ia ki mobile phone nombor jong ki lanot da kaba pynbiej ia ki briew ba kin transfer ia ki phone nombor jong ki sha ki SIM Card thymmai.
Shisien ba kila ioh lut ia baroh ki jingtip shaphang ki lanot, ki lah ban iohlang (intercept) ia ki phone call bad ki text message, ioh ia ki Authentication Codes ne ki code ba pynshisha ba wan lyngba ki SMS, bad lah ruh ban ioh jingtip ia ki Account jong ki lanot kynthup ki email, social media bad wat ki Bank Account bad kiwei kiwei.
Kaei ka SIM swapping?
Ha ka jyrsieh SIM swapping, ki nongshukor ki lah ban ioh ia ki SIM Card jong ki briew. Kine ki briew kin pynbiej da ki kam thok ia ki Network Provider ba kin link ia ki numbor sha ka SIM Card ba ki pyndonkam. Hadien ba kila ioh pyniaid hi katba mon ia ka SIM lane ka phone nombor, kino kino kiba phone lane phah message ha une u nombor kan poi lang sha ki phone jong ki nongshukor. Hangne ba ki nongshukor kin ioh lang ia ki jingtip kum ia ki code ba pynshisha bad ioh ia ki OTP ba phah da ki Bank.
Ki Nongshukor ki lah ban pyndonkam ia kine ki Acoount jong ki lanot ha kiba bun ki kam sniew kynthup ki kam shukor pisa, kam tuh kam thiem lane kiwei kiwei.
Kumno ban iada ialade naka SIM swapping scam?
Enable ia u Pin lane Password ha ka mobile carrier account.
Wat ym sam paidbah ia ki jingtip online namar ki nongshukor ki lah ban pyndonkam ia kine ki jingtip ban leh ia ki kam shukor ha ka kyrteng jong phi.
Check bad peitngor bha man ka por ia ki account ioh don kino kino ki kam ba ishankhmat.
Lada phi suba lane artatien ba ioh don ka jingpyrshang ban leh ia ka SIM Swap, pyntip mar mar sha ki mobile carrier bad ia ki Online service ba phi pyndonkam.
Nalor kane, dei ban jied ruh ia artylli ki authentication security feature.
Pyndonkam ia ka SIM Lock Facility.
Haduh katno ka shimpor ban lap (crack) ia ka password?
U Nongshem ka Paytm bad CEO Vijay Shekhar Sharma dang shen ula kren ba haduh katno ka shimpor ia ki nongshukor ban lap ia ka password jong kiwei pat ki briew. Ula kren ruh halor ka jinglong kongsan jong ki passward.
It is length of password that matters most. Add few small caps alphabets too to make one. pic.twitter.com/CATY4gSEPk
— Vijay Shekhar Sharma (@vijayshekhar) October 14, 2023
