Shillong, Nailar 01: Ka rukom pyniaid ia ka pule ka dangle kala donkam palat ban hap pynthymmai (update) ban lah ha ka ban pynkhreh ia ki Khynnah pule ba kin lah iakhun ia ki jingtynjuh jong kane ka juk ba mynta. Kane ka jingpynthymmai ka dei ban phaikhmat sha ka jingpynrung ia ki lad ai jinghikai halor ki sap ba ki khynnah ki don ki ban iaid bad ki jinglong jingman jong kane ka pyrthei ha ki curriculum. Nalor kane, ka long kaba kongsan ruh ban buh hakhmat ha kaban pynkhlain ia ka pyrkhat pyrdain, ban jop ia ki jingeh, ban don ia ki buit treikam ki ban pynshlur ia ki samla ba kin thaw iala ki lad ki lynti ba kin poi sha ka thong.
Ka National Education Policy of India 2020 (NEP-2020) ka dei kawei pat sienjam ha kaban pynthymmai ia ka rukom pyniaid ia ka pule ka puthi hapoh ka Ri India.
Ka NEP-2020 kala pynleit jingmut ruh ha “ka pule dangle bym noh tarajur bad ba iar” kaba mut ba baroh ki Khynnah kim dei ban shah ieh noh shadien haba phai sha ki lad ban ioh ia ka jingnang jingstad tang namar ka jinglong ka Iing ka sem ne ka snap kyrpang jong ki ha ka imlang sahlang.
Kaei ka NEP-2020?
Ka National Education Policy-2020, lane NEP-2020, ka dei kaba la mynjur da ka jingialang jong ka Kynhun Myntri ka Sorkar Pdeng ha ka 29 tarik Naitung 2020. Ka NEP-2020 ka ban jur ruh halor ka jingpynrung ia ka technology ha ka pule ka dangle ban pynkhlain ia ka jingnang jingtip halor ki kor digital bad ban ai lad kumjuh ia baroh ki khynnah pule.
Ka National Education Policy, 2020 ka buh ruh ia ka jingthaw ia ka Gender Inclusion Fund (GIF) khamtam iaki Kynthei bad ki khynnah ki bym lah pynthikna ki dei ki kynthei ne shynrang (Transgender) ba kin iohlang kumjuh ia ka pule puthi ba janai hapoh ka Ri baroh kawei.
Kiei ki mat ba kongsan jong ka NEP-2020
Katto katne na ki mat ba kongsan jong ka National Education Policy 2020 ka Ri India ki long-
-Ka long kaba donkam ban ithuh, wad bad kyntiew ia ki bor jabieng jong iwei pa iwei I Khynnah pule.
– Ban pynthikna ia ki jinghikai kiban saindur ia ka nongrim ba skhem bad ban pynlah ia ki Khynnah hapoh ka Grade 3 ba kin lah khein jingkhein.
– Ka dei ban long kaba pynsuk bad ba lah ban pynia bynta ia ka jingkyllum lang ia ki sobjek, vocation bad stream.
– Ban pynshlur ia ka jingnang kren ia bun jait ki ktien bad ban sngewthuh ia ka jingkhlain jong ki ha ka ktien ka thylliej
– Ban sngew sarong iala ka thymmei bad ka riti ka dustur ka Ri India bad ki Ktien ki thylliej.
Ki saw bynta jong ka NEP-2020
Ka NEP-2020 ka dei kaba lah ban phiah ruh ha ki saw bynta :
1. School Education: Jingai jinghikai ba janai naduh dang khyllung
2. Higher Education: Pynleit jingmut ban don ia ki Univerity bad College kiba bha.
3 .Kiwei pat ki liang ba hap pynleit jingmut : Ban pynioh ia ka professional education
4. Implementation: Ban pyntreikam ia baroh kine ha ki bynta bynta.
Pule ruh: Kynjah slam slam ka surok NH-44 ba pakhang surok ka KSU
 ban lah ha ka ban pynkhreh ia ki Khynnah pule ba kin lah iakhun ia ki jingtynjuh jong kane ka juk ba mynta. Kane ka jingpynthymmai ka dei ban phaikhmat sha ka jingpynrung ia ki lad ai jinghikai halor ki sap ba ki khynnah ki don ki ban iaid bad ki jinglong jingman jong kane ka pyrthei ha ki curriculum. Nalor kane, ka long kaba kongsan ruh ban buh hakhmat ha kaban pynkhlain ia ka pyrkhat pyrdain, ban jop ia ki jingeh, ban don ia ki buit treikam ki ban pynshlur ia ki samla ba kin thaw iala ki lad ki lynti ba kin poi sha ka thong.){kind=link}