Shillong, May 26: Ka Avelyne Francisca Khriam, ka samla pule jongka St. Edmund’s Hr. Secondary School kaba la wan ha ka kyrdan ka ba-ar ha ka Higher Secondary School Leaving Certificate Examination (Arts stream) 2023, kala pynpaw ba ka social media ka dei kaba ai jingmyntoi hynrei dei pat ban nang ban pyndonkam ban ym long kiba kyrni.
“Nga sngew ba ka social media kadei kaba ai jingmyntoi, hynrei kan shong pat shimet shimet bad ngi dei ban nang ban pyndonkam ia ka bad ngi dei ruh ban tip ba ngim dei ban long kyrni, ngi dei ban shimkhia bha ia ka jingpule ka jong ngi” ong ka Avelyne Khriam.
Ka Avelyne, kala ioh 449 marks bad distinction ha ki 6 tylli ki subject (E,K,Ed,M,CS,Ec), kala ong ba kala pynkhreh baroh shi snem hynrei kala sdang ban leh sting hynrei hadien ba la jan ka eksamin kala trei shitom shuh shuh.
“Kadei shwa ka eksam bad nga la sngewthuh ia ka jinglong kordor ban trei shitom shuh shuh. Nga la pyrshang ban pule katba nga lah bad nga la pynthikna ruh ban shong jah thait hapdeng” ong ka Avelyne.
Kum ka khynnah kaba sngewtynnad ia ka Computer Science kum ka sobjek pule, ka Avelyne kan pule ia ka Bachelor in Computer Application (BCA) ha St. Edmund’s College, Shillong.
“Dei tang lyngba ka jingtrei shitom ba lah ban ioh kheit ia u soh ka jingjop, lada ngi leh kumno kumno ruh bad lada ngi trei.minot thop ka jingtrei shitom kan ialam sha ka lynti jongka jingjop” ong ka Avelyne.
