Shillong Naiwieng 20: U Myntri Rangbah ka jylla u Conrad K. Sangma hynne ka sngi u Blei, ula ong ba ka Thaiñ Shatei Lam Mihngi kala lah ban pynbeit ia kiba bun ki jingeh bala mad baroh shikatta bad kala shim mynta ia ka bynta ban tei iaka ri.
A great honour to partake in the panel discussion on the ‘Contribution of North East Region in Nation Building’ at the Purvottar Swabhiman Utsav organised by @easterncomd & @adgpi as part of the #AzadiKaAmritMahotsav.@narendramodi @rajnathsingh pic.twitter.com/Gs26kKFtKw
— Conrad Sangma (@SangmaConrad) November 20, 2022
Haba kren haka Purvottar Swabhiman Utsav kaba la long ha Guwahati halor ka phang ‘Measures to promote greater integration of Northeast Region with National Mainstream’, u Conrad ula ong, “Ka Curriculum jong ka pule puthi haka ri ka kdew tang khyndiat eh ia ki riewshlur bad ia ki nongiakhun laitluid jong ka thaiñ shatei lam mihngi. Halor kane, ka sorkar India kala phaikhmat ban kyntiew iaki jingiathuh khana iaki nongiakhun laitluid ka thaiñ. Nga ngeit ba kane kan pyniasoh ia ki paidbah ka thaiñ shatei lam mihngi bad baroh ki paid jong ka ri India”.
Ula ong, ba dei ban pynrung bun ki jingiathuh khana jong ka thain ha ki kot pule khnang ba kan iarap ban wanrah iaka jingiadei kaba iajan hapdeng ki nongshong shnong ka ri bad ula pynpaw ruh ba naduh ba ki khynnah kiba dang rit ha ka rta, dei ban ailad ia ki ban iashimbynta haki Cultural Exchange Programme, khnang ba yn lah ban pynwandur iaka jingioh jngai ka jongki.
Ula iathuh ruh ha ka jingialang iaka jingleit ka jong u haka Holocaust Museum ha Israel ha kaba ka sorkar kala pynthikna ba ki khynnah ki dei ban leit ha katei ka Museum ban sngewthuh ia kaei kaba ki Jiw kila mad ia ka jingshah leh bein. Ki jingdon jingem ha katei ka Museum kila pynthikna ba ki khynnah kin don ia ka mynsiem ban ieid iala ka ri naduh ba ki dang rit.
U Myntri Rangbah ula pynpaw ruh iaka jingdonkam ban don ia ki surok bad ki kad liengsuin ki ban pyniasoh iaka thaiñ Shatei Lam Mihngi ka Ri India bad ka Southeast Asia khnang ba ki paidbah kin ioh ban leit ban wan bad kane ka kyntiew iaka kam jngohkai ha ka thaiñ baroh kawei.
Political leadership can play an important role in connecting NE to the rest of the country. Under the leadership of Hon’ble PM @narendramodi these efforts are bearing fruit and with the right policies & approach the relationship can be further strengthened.
— Conrad Sangma (@SangmaConrad) November 20, 2022
U la ong ruh, ba ka jingdon jong ka thaiñ marjan bad ki iew ka pyrthei, kala pynlong ia ka thain ban don shibun ki lad na ka bynta ka jingwan sengkam bad kynshew pisa jong kynhun khaii na kylleng ki ri haba ong ruh ba ka long kaba donkam ban shim ia ki lad ki lynti ban kyntiew ia ka thain lyngba ka India Act East policy.
“Kan ym long kaba biang ba tang ki briew kiba sah ha kiwei pat ki bynta jong ka ri India kin tip shaphang ka thaiñ shatei lam mihngi, hynrei ngi ruh kiba na ka thaiñ shatei lam mihngi ruh ngi dei ban tip shaphang kiwei pat kiba don ha ka ri India bad dei lyngba ka jingkyntiew mar kylliang iaka kolshor bad iaka jingriewspah ka jongh ngi ba ngin lah ban tei iaka ri India” ong u Conrad Sangma.
U Myntri Rangbah ka jylla ula iarih ruh ia u Myntri Rangbahduh ka ri u Narendra Modi ha kaba iadei bad ki sienjam kiba ula shim khamtam ha kaban bthah iaki myntri sorkar ba kidei ban leit jurip iaki jylla ka thaiñ shatei lam mihngi bad kane ka long kaba kongsan bha, namar ba ki myntri kin ioh ia ki jingtip kiba pura shaphang ka thaiñ ha kaba ki lah ban pynwandur bad ban pyntreikam ia ki prokram bad ki polisi treikam ki bapher.
