Shillong, Rymphang 08 : U Secretary ka North Eastern Council (NEC) K Moses Chalai ha ka sngi Palei ula ong ba ka thain Shatei Lam Mihngi ka dei ban kynjoh ia ka 5% jong ka thong ka Ri India ban kpt ia ka 33 trillion dollar economy hapoh u snem 2047.
U Chalai ula ong ba ka thain Shatei Lam Mihngi ka dei ban khohreh bha mynta namar ka jingwan ka juk treikam lyngba ki karkhana (Industry revolution) 4.0 hangne mynta.
“Ngi donkam ban sdang noh ia ka jingkhohreh bad kane. Ngim shym la lah ban shim kabu na ki lai tylli ki industrial revolution bala dep bad mynta ka 4.0 Industry kala wan hangne-kila wan ha ka lynti kaba heh bha” ula ong haba iakren bad ki nongthoh khubor.
Haba pynpaw ba ka NE ka dei ban shim ia ka kabu, u Chalai ula ong “Kane ka dei kawei pat ka sienjam ba shakhmat bad nga dei uwei uba kyrshan bha ia ka roi ka par lyngba ka juk technology. Ngi la dep leh ia katto katne…nga la iohi ia ka bor jong ka AI (artificial intelligence), kumno ki treikam bad kine kin sa wan shane”.
Haba kren halor ka synniang ka NE sha ka thong ka India ban kynjoh ia ka 33 trillion dollar economy, u Chalai ula ong “Ka synniang jong ngi mynta ia ka GDP ka long 2.8% kaba duna ia ka 3%. Khnang ban iabiang nadong hadong, ngi dei ban kynjoh ia ka 5% kaba mut 5% jong ka 33 trillion dollar ka long 1.5 trilion dollar bad haba ngi pynkylla sha ka pisa India ka wan da ki klur ha kaba bun na ki calculator kim lah satia ban ai jingkhein dak, kane ka dei ka ioh ka kot kaba ka India kan sa long bad ngi donkam ban pynkhreh ia kane”. Ula ong ba ka thain ban kynjoh ia ka 5% satang lada ka iashimbynta ha ka Industry 4.0.
 K Moses Chalai ha ka sngi Palei ula ong ba ka thain Shatei Lam Mihngi ka dei ban kynjoh ia ka 5% jong ka thong ka Ri India ban kpt ia ka 33 trillion dollar economy hapoh u snem 2047.){kind=link}