Shillong, Rymphang 6: Ka Meghalaya State Disaster Management Authority (MSDMA) kala pyntip ba kan pynlong ia ka Multi-State Mock Exercise ha ka 9 tarik Rymphang, ha Mawphlang,East Khasi Hills district.
Ia kane ka jingpynkhreh la pynlong ha ka jingiatrei lang bad ka District Disaster Management Authority (DDMA) bad kumjuh ruh ka National Disaster Management Authority (NDMA).
“Ïa kane ka mock drill la pynlong kum shi bynta jong ka jingpynkhreh ka Jylla ia ki jinglynshop ki bor ka mariang, ki jingthmu ban ai jinghikai pyntbit bad ban pynkhlaiñ ïa ka jingïatreilang hapdeng ki tnad bad ki lad jingïarap ha ka por ba don ki jingjia ba shyrkhei,” ong ki heh sorkar.
Kane ka mock kan long ha ki jaka bapher bapher ha Mawphlang, kynthup ïa ka JNV Mawphlang, ka Dam GSWS Mawphlang, ka ïew Mawngap, bad ka shnong Mawkohmon, nalor kiwei kiwei.
Ki jaka ban buh ha ka por ba pynlong ia ka jingpynkhreh lypa ki kynthup ia ka Medical Aid Post, ka Incident Command Post, bad ka Relief Camp ha ki jaka ba la buh kyrpang.
 kala pyntip ba kan pynlong ia ka Multi-State Mock Exercise ha ka 9 tarik Rymphang, ha Mawphlang,East Khasi Hills district.){kind=link}