Nongstoiñ, Nailur 12: U Deputy Commissioner ka West Khasi Hills District Bah Garod LSN Dykes ula ong ba ka jingiashong kha khynnah ka dei ka kam ba be-ain.
U Deputy Commissioner ula kren ia kane ha ka jingialang jong ka District Health Society, West Khasi Hills ha ka jingiadon ryngkat u EAC ka Mawshynrut bad u BDO Nongstoiñ, kaba la pynlong ha conference hall jong ka DC ophis Nongstoiñ.
Kane ka jingialang kala iatai halor ki prokram jong ka Tnad ka Koit ka Khiah bala pyntreikam hapoh ka District kiba kynthup ia ka National Vector Borne Diseases Control Programme, Community Processes, Pradhan Mantri Matru Vandana Yojana (PMMVY), Comprehensive primary health care programme, National Progamme for control of Diabetes, Cancer and Stroke (NPCDCS), Rashitriya Balswasthya Karyakram (RBSK), Rashritya Kishore Swasthya Karyakram, IDSP, NTEP, NLCP, NTCP, NOHP, NPPCD, UDID, JSSK, CM Motherhood scheme, POCSO bad kiwei kiwei.
Ha ka jingkren pynwai u Deputy Commissioner u la pynpaw ka jingsngewkhia halor ka jingsahdien bad ki jingeh, ba ka tnad ka koit ka khiah ka ïakynduh ban pyntreikam ïa kitei ki program. Ula ong, ba kane ka wan jïa na ka daw ba ki paidbah kim pat pei phang ïa ki jingthmu jong kine ki prokram.
Namar kane, u la kyntu ïa ki Tnat ka Koit ka Khiah ban pynlong programme khah khah, ban ai jingpynshai paidbah khamtam ha ki jaka nongkyndong.
Ha kaba ïa dei bad ka jingïashongkha khynnah, u Deputy Commissioner u la kdew ba ka kynthei hapoh ka 18 snem karta bad 21 snem u shynrang kim pat lah ban ïa poi kha, namar kane ka long kaba beaiñ. Ïa ka Pocso Act dei ban ai jingpynshai paidbah ban ïada na jingleh pyrshah, u la pynkut.
