Shillong, Jymmang 09 : U Nongialam ka BJP bad Myntri Sorkar Bah A.L.Hek ha ka sngi Thohdieng ula ong ba ka jingkynnoh ba dang shen jong ka kynhun khein be-ain Hynniewtrep National Liberation Council (HNLC) pyrshah ia u Symbud Myntri Rangbah Bah Sniawbhalang Dhar, ka dei ka kam kaba hap ban pynshisha ryngkat ki sakhi satar.
“Ki jingkynnoh ki mih manla ka sngi. Mynta ka jia ia u (Sniawbha) bad lashai ka lah ban jia ia nga bad lashisngi, ka lah ban jia ia kiwei” ong u Bah Hek haba iakren bad ki nongthoh khubor.
Haba kylli la ka MDA kan khot jingialang halor kane, une u Nongialam ka BJP ula ong ba kum kine ki kam ki dei kiba hap ban pynshisha shuwa bad haduh kata ka por, ban khot ia ka jingialang ka dei ka bym don nongrim satia.
“Tang namar ka jingkynnoh, kumno ngin khot ia ka jingialang” ula buh jingkylli.
Halor ka jingdawa ki Liang Pyrshah ia u Bah Sniawbhalang ban hiar shuki kum u DyCM kat bym pat dep ka jingtohkit halor kane ka jingkynnoh, u Bah Hek ula ong “Ka dei kaba hap pynshisha. Hadien bala pynshisha ka MDA ka lah ban shim ia ka rai. Khlem kino kino ki sakhi, kumno phin ong ba un hiar shuki? Kumno phi ong iano iano ban hiar shuki khlem da pynshisha. Tang namar ka jingkynnoh, lashai baroh baroh kin sa shah phah hiar shuki lut. Kane kam dei ka lynti kaba ka Sorkar ka treikam”.
Haba pynpaw ia ka jingbym donkam ban thung ia ka jingtohkit halor kane ka kam, u Bah Hek ula ong “Mano manor uh ki lah ban kynnoh hynrei ngi hap ban pynshisha shuwa. Khlem ki sakhi bad khlem da pynshisha kumno phin leh ia kara”.
 pyrshah ia u Symbud Myntri Rangbah Bah Sniawbhalang Dhar, ka dei ka kam kaba hap ban pynshisha ryngkat ki sakhi satar.){kind=link}