Shillong, Rymphang 25: U Myntri ka pule puthi u Rakkam A Sangma hynne ka sngi Baar ula ong ba ka jingkylli ban thung ia ka kynhun tohkit halor ka jingshah kem dang shen jongu Chancellor ka University of Science and Technology Meghalaya (USTM) kam long kaba iahap namar ba kim shym la ioh ia kno kano ka jingujor da ka jingthoh.
“Namar ba kam don satia kano kano ka jingujor nano nano ruh, kumta kam mih satia kano kano ka jingkylli” ula ong.
Ula ong ba ka jingshah kem kam don jingiadei eiei ruh em bad ka USTM katkum ki khubor kiba la mih hynrei kadei pat na kiwei pat kid aw kiba iadei bad ka jylla Assam.
“Kumta, ngam don eiei ban ong ne don kino kino ki jingtip halor kane ka sobjek” ong u Myntri Sorkar.
Ula ong ba ka USTM ka don hapoh jong ka jylla Meghalaya bad kaba la ithuh da ka iingdorbar thawain ka jylla.
“Kidei kiba la shah khmih hapoh jong ka Private Universities Rules jong ka sorkar Meghalaya ia kaba la wanrah bad ioh jingmynjur na ka iing dorbar thawain ban seng ia ka skulbah” ula ong.
U Chancellor ka USTM u Mahbubul Hoque ula shah kem ha ka 22 tarik u Rymphang ha ki pulit Assam bad ka Special Task Force (STF) ha kaba iadei bad ka case kaba la rejistar ha Sribhumi, Assam hadien ba kala mih ka jingkynnoh ba kala don ka jingle bym khuid ia ka eksam ha ka skul kaba la pyniaid da ka ERD Foundation, ia kaba u Hoque ula long kum u Chairman.
 kam long kaba iahap namar ba kim shym la ioh ia kno kano ka jingujor da ka jingthoh.){kind=link}