Shillong, Jymmang 16: U Myntri Rangbah ka Jylla Conrad K Sangma ula ong ba ka jingkylli ban pynduh noh ia ki Autonomous District Council (ADC) hapoh ka Jylla, kam ym mih satia da lei lei ruh.
“Ki ADC ki dei kiba kongsan bha ia ka Jylla jong ngi namar ki iada ia ka snap kyrpang bad iada ia ka riti ka dustur, ka jingleh tynrai, ki spah u barim bajah jong ka Jylla jong ngi bad ki Jaidbynriew jong ngi” ong u Conrad haba jubab ia ka jingkylli halor ka jingmih ka jingdawa ban pynduh noh ia ki ADC ka Jylla.
“Kumta, namar ba ka rukom pyniaid kam long ha ka rukom kaba biang namar kiba bun ki daw, kane kam mut pat ba dei ban pynduh noh ia ki Council lane ban shim noh” ula ong.
U Conrad hynnin ka sngi Palei ula lum ia ka jingialang bad ki lai tylli ki ADC-ka KHADC, JHADC bad GHADC ban iakren halor ka rukom treikam jong ki ADC. La thaw ruh ia ka Committee ba kyrpang kaban khlieh da u Chief Secretary da ka jingthmu ban pynkylla bad pynjanai ia ka rukom treikam bad ban pynkhlain ia ka pla tyngka jong baroh lai tylli ki ADC.
Ha u snem 2015, u Nongtrei monsngew Bah Micheal Syiem ula ujor ia ka PIL hapoh ka Iingkashari Meghalaya High Court ba tynjuh ia ka jingiai bteng ban don ki lai tylli kiADC da kaba kynnoh ba ki dei ki bor treikam ki bym iahap shuh ban don hadien bala ioh iala ka jong ka Jylla kaba pura.
 hapoh ka Jylla, kam yn mih satia da lei lei ruh.){kind=link}