Shillong, Rymphang 25: U Nongialam ka NPP bad Myntri ka tnat pule puthi Rakkam A Sangma hynne ka sngi u la ong ba ka elekshon ba dang shu dep ha Khasi Hills Autonomous District Council (KHADC) bad Jaintia Hills Autonomous District Council bad (JHADC) kan nym don jingktah satia ia ka elekshon shaka Garo Hills Autonomous District Council (GHADC).
“Kam don jingiadei hapdeng ka elekshon KHADC-JHADC bad ka elekshon sha GHADC. Ka dang kloi palat ban iatai bad ban iakren” u la ong.
Haba kylli halor ka Congress ha ri-lum Garo, u Rakkam u la ong “Phi krenia ka jingmih naka elekshon ha Gambegre constituency. Ngi rem haka elekshon MP na Tura Parliamentary Seats hynrei haka elekshon MLA shiteng samoi ha Gambegre ngi la jop. Kum ka party ngi long kiba la pynkhreh ban khie rasong. Kane ka dei ka jingitynnad jong ka riti synshar paidbah jong ngi”.
Haba kren halor ka jingshah rem jong ka Congress ha ka elekshon shiteng samoi ha Gambegre constiteuncy, u la ong, “Ngi la khie im biang ha ka elekshon Gambegre. Ngi sngewthuh ia ka jinglong jingman jong ka sain pyrthei ha man la ki constituency, ha man la ka thain, ka Jylla bad ka Ri.”
Halor ka jingkynnoh shah kyntait ka NPP ha rilum Khasi, u Rakkam u la ong “Kane ka dei ka jingitynnad jong ka elekshon bad ngam donkam ban ai jingmut halor kane. Ka dei ka jingjied jong ki paidbah. Shisien ba ki paidbah kila rai, ngi hap ban pdiang ia ka. Nga ai khublei ruh ia baroh ki nongjop, kiba dei lyngba ka jingjied jong ki paidbah. Ka dei ka rai jong u paidbah bad mynta ngin sa iohi ia ka kumno kiba jop kin treikam”.
 bad Jaintia Hills Autonomous District Council bad (JHADC) kan nym don jingktah satia ia ka elekshon shaka Garo Hills Autonomous District Council (GHADC).){kind=link}