spot_img

Jurip u CM ia ki jaka ha NST ban tei ia ka Secretariat ba thymmai ka Jylla

Date:

Share post:

Shillong, Risaw 27: U Myntri Rangbah ka jylla u Conrad K Sangma ryngkat bad u Myntri kam pynroi sor u Bah Sniawbhalang Dhar hynne ka sngi kila leit jurip iaki shnong kiba don ha New Shillong Township naka bynta ban tei iaka Secretariat kaba thymmai jong ka jylla.

U Conrad ula leit ban jurip ia ki jaka kiba don ha ka shnong Mawpdang, Mawkasiang, Mawdiangdiang bad Mawpat, ban peit iaka jinglong jingman jong kine ki jaka naka bynta ban pyn kynriah noh ia ka Secretariat sha katei ka jaka.

“Ngi don ar tylli ki lad hakhmat jong ngi kata ka jaka ha Mawpdang bad Mawkasiang bad ngin sa bishar bniah ia ka jaka kaba kham biang na ka bynta ka jong ngi bad ia u paidbah ka jylla” ula ong.

“Hadien ba ngi la wan shane, kala don ka jingpynbynta ia ki jaka sha ki tnad sorkar kumta ngi la hap ban pynbeit biang ia kane ka bynta bad ngi la lah ban pynbeit biang ia kane ha kaba ngin ioh kumba 220 akar ka jaka na ka bynta ban tei iaka Secretariat bad ia kiwei pat ki ophis sorkar” ong u bynrap.

Ula ong ha ka jingjurip lang bad ki heh ophsiar la shem ba kine ki artylli ki jaka ki long kiba biang bha bad kim jngai than ruh naka nongbah Shillong bad kan pynsuk ruh ia ki paidbah.

“Mynta ngin dang peit ia ki lad ki lynti ban shna ia ki surok ban pyniasoh bad katei ka thaiñ bad ngi kyrmen kshem ba ngin lah ban tei noh iaka Secretariat ha katei ka thaiñ hynrei kin dang khmih bad bishar bniah bha shwa” ula ong.

Ula ong, shisien ba la pyndep ban iatai sani bad bishar bniah, ka jingialang jong ka kynhun Myntri kan sa shim ia ka rai kaba khatduh bad ka jingwan jurip ka long ban peit shwa da la ki jong ki khmat ia ka jinglong jingman jong ka jaka.

Ha kane kajuh ka sngi u Myntri Rangbah u la leit ruh ban jurip iaka Shillong International Centre of Performing Arts and Culture (SICPAC) kaba don ha Mawkasiang.

Ia kane ka SICPAC la tei ha ka jaka kaba don kumba 40 akar bad ha ka jinglut jingsep kaba kot 151.33 Klur tyngka bad la mang tyngka ia kane ka project ha ka 27 tarik u Lber 2014 bad iaka kam contract la aiti ha ka 25 Rymphang 2015 bad la ai por ba dei ban shna pyndep hapoh ka 31 Nohprah 2018.

Nalor kane la pynkhamti ha ka Nagarjuna Construction Company Limited (NCCL) ba kan tei ia kane ka Project katba iaka jingpynwandur ia kane ka project la leh da ka Skematic Consultants, kaba na Salk Lake City, Kolkata bad la peit bad khmih ia kane ka project da ka tnad Arts and Culture.

Ka jingtei ia kane ka SICPAC kala iaid suki bha ha kaba wat u Myntri Rangbah jong ka jylla u Conrad K Sangma ula leit ban jurip dalade ia kane ka jaka ha u snem 2018 ban khmih haduh katno ki kam ki jam kila iaid bad ban sngewthuh ruh ia ki jingeh bad ki jingjynjar ha kaba iadei bad ka jingpyntreikam ia kane ka projek, khnang ba yn lah ban pynthikna ba dei ban shna pyndep noh ia kane ka jingtei.

Share post:

spot_img
spot_img

Popular

More like this
Related

Shah kem u Trai ka GM Coke ba kiar siew ia ka khajna ba T.150 Klur

Guwahati, Nailar 24: Ka Directorate General jongka GST Intelligence...

GM Coke owner arrested for ₹150 crore tax evasion in Byrnihat

Guwahati, August 24: In a major crackdown on tax...

Ajaraie shines as NorthEast United retain Durand Cup with 6-1 win against Diamond Harbour

Shillong, Aug 24: NorthEast United FC delivered a footballing...

Durand Cup | Thaw histori ka NEUFC ban long Champion arsien kynthih naduh u snem 1991

Kolkata, Nailar 23: Ka NorthEast United FC kala thaw...