Gangtok, Rymphang 21: Namar ka jingjur ka jinghap thah, kumba 175 tylli ki kali bad palat 500 ngut ki nongwan shangkai suwari kila sahkut ha Nathu La, East Sikkim hynne ka sngi.
Ki shipai jong ka Trishakti Corps, haka jingiakhun pyrshah iaka jingkhriat, kila lah ban leit iarap iaki nongshangkai suwari kiba sahkut ha Nathu La Pass.
Ki shipai kila pynbiang ruh ki lad jingsumar, ki jingdih ba khluid, ki mar bam bad ki kali naka bynta ban pynpoi iaki ba sahkut ha kiwei pat ki jaka ba kham long shngain.
Ki shipai ka TriShakti Corps bad ki Indian Army nalor ki pahara iaki thain khappud ka Jylla Sikkim, ki long ba kloi ruh ban iarap iaki bor district bad iaki paidbah haka por ba donkam.
