Guwahati, Iaiong 1: Ka jingpynlong ia ka jingiakop shet ne Cooking reality show ‘MasterChef India’ Season 7 kaba la neh 23 taiew kynthih ka la kut noh ha kaba u Nayanjyoti Saikia napoh Assam u la ioh ban rah ia ka nam lahduh.
U Saikia uba dei na Tinsukia, Assam u la ioh ia kane ka jingjop ha kane ka jingkop shet ha kaba u la ioh pdiang ruh ia ka Golden Chef’s coat hadien ba u la lah ban pynrem noh ia ka Santa Sarmah bad ka Suvarna Bagul ha ka phainal.
Ha kane ka jingiakop kaba khatduh (final) la wan ban bishar da u nongshet ba la rim bad ba pawkhma u Chef Sanjeev Kapoor ha ryngkat u Chef Ranveer Brar, Vikas Khanna bad ka Garima Arora.
U Saikia u la ioh pdiang ia ka cheque kaba t.25 lak na ka Sony Entertainment Television katba ka Santa Sarmah kaba wan ha ka kyrdan kaba ar bad ka Suvarna Bagul ha ka kyrdan kaba lai ki la ioh pdiang ia ka cheque kaba mar T.5lak na ka Sony Entertainment Television.
Na ka liang u Nayanjyoti u la ong, “Nga don ia ka jingphohsniew ban leit sha ka jingiakop MasterChef India bad ban pyni ia ka sap shet ka jong nga, hynrei mynta nga sngew ba ia baroh kine ki jingangnud ki jong nga la lah ban pynurlong.
Ha kane ka jingiakop kaba khatduh la pynlong ia ka jingiakop shet kaba laisien kynthih bad na ka liang u Nayanjyoti ula wan ha ka kyrdan kaba hakhmat eh.
Na ka liang ki nongbishar ki la pynpaw halor ka jingtrei shitom jong u Nayanjyoti bad halor ka sap ka phong kaba u don.
