Shillong, Rymphang 07 : Ka Sorkar Jylla kala lah ban pynduna ia ka jingduhnong jong ka Meghalaya Energy Corporation Limited (MeECL) kaba ki khot ka Aggregated Technical and Commercial Losses (AT&C) haduh 16 %.
Haba pyntip ia kane ha ka sngi Thohdieng, u Myntri ki kam bording A.T.Mondal ula ong “Ngi la lah ban pynhiar ia ka jingduhnong na ka AT&C haduh 16 %”.
Ula ong ba ka jingduhnong AT&C ka kot haduh 35% ha kine ki 3-4 snem bala leit noh hynrei naduh u snem 2023 ter ter, la lah ban pynhiar ia ka sha ka 18%.
Kat kum ka jingong jong u, namar kane, ka Jylla ka la ioh ai khusnam na ka bynta ka jingpyndonkam ia ka bor ding haduh arsien lynter naduh u snem ba la dep.
“Phra tylli ki Jylla ki lah ban ioh ia kane ka khusnam bad ngi lah ioh arsien kynthih ha u snem bala lah bad mynta u snem” ong u Myntri haba bynrap ba ula bthah ia ki Ophisar ban pynthikna ba ka Jylla kan ioh biang ia ka khusnam kaba lai.
Ula kdew ia kiba bun ki daw halor kane ka jingjop bad ong “Ngi la lah ia ki kam da ka jingpyrkhat bha bad mynta ka jing bishar kam jong ngi ka long sa ha ki kyrdan Sub Division ban ithuh ia ki jaka kiba lah ban mih ki jingduhnong bad hangno ba jur eh ki jingduhnong”.
“Ngi la buh la ki jong ki meter ha ki transformer ban peitthuh katno ka bording ka shah tuh lane lait tuh khnang ba ngi lah ban pynbor ia ki Ophisar ba kin leh ia kaba donkam” ula ong.
 kaba ki khot ka Aggregated Technical and Commercial Losses (AT&C) haduh 16 %.){kind=link}