Shillong, Rymphang 07: Ka Hynniewtrep Achik National Movement (HANM) hynne ka sngi ka la pan jingshai na u Chief Engineer ba khmih iaka Meghalaya Energy Corporation Limited (MeECL) ha kaba ia dei bad ka kam Contract ba la ai sha ka Star Infratech Firm kaba dei ka kompani bar Jylla.
U Vice President ka HANM Bah Bawan Nongsiej u la pynpaw ia ka jingsngew khia ba kane ka kompani bar Jylla ka lah ban nym don ia ki kot ki sla kiba donkam, kynthup ia ki Trading License, ki Labour License, bad kiwei kiwei ki kot ki sla kiba kyrshan, katkum ki kyndon jong ki ain ka Khasi Hills Autonomous District Council (KHADC).
U Bah Bawan u la ban jur ba ki trai ri ki long kiba lah ban pyntreikam ia ka Revamped Distribution Sector Scheme hapoh ka Jylla.
U la ban jur ba ka tnat ka dei ban buh hakhmat eh ïa ki briew trai ri na ka bynta kano kano ka kam ha ka Jylla, da kaba kdew ïa ka jingjur jong ka jingbym ïoh kam don jam hapdeng ki samla.
“Ka long kaba sngewsih ba wat hapdeng ka jingdon jong ki riew shemphang hapoh ka Jylla hynrei la ai ia ka kam sha ka kompani bar Jylla” u la ong.
Ka HANM ka la ai por shi taiew ia ka Star Infratech Firm ban pynshisha ia ki kot ki sla jong ki, lada kim lah ki dei ban sangeh treikam noh mardor.
 hynne ka sngi ka la pan jingshai na u Chief Engineer ba khmih iaka Meghalaya Energy Corporation Limited (MeECL) ha kaba ia dei bad ka kam Contract ba la ai sha ka Star Infratech Firm kaba dei ka kompani bar Jylla.){kind=link}