Shillong, Rymphang 2: Ka Meghalaya Co-operative Apex Bank Ltd (MCAB) kala shah jied kum kawei na ki State Cooperative Bank kaba la tbit treikam tam hapoh ka ri, hapoh jong ka Two-Tier bad kala wan balai ha ka jingioh khusnam na ka National Federation of State Cooperative Banks (NAFSCOB) jong ka mang tyngka u snem 2024-25.
Kan ioh ia ka khusnam, ka tapmoh bad ka jingthoh jong ka jingai jingithuh bad ia kane yn sa aiti ha ka prokram sam khusnam kaban sa long ha Gangtok, Sikkim.
Ka Bank kala ioh nyngkong shwa ia ka khusnam kaba nyngkong, baar bad balai na ka NAFSCOB na ka bynta u mang tyngka jong u snem 2020-21, 2021-22 bad 2023-24.
La seng ia ka MCAB ha u snem 1971, kane ka Bank kala don ia ki shnad treikam ha kylleng ki bynta jong ka jylla bad kala ai ruh ia ki jingshakri lyngba ki kor Electronic bad Digital kum ki ATM, Mobile Banking bad Unified Payments Interface (UPI). Ka Bank kala iai bteng ban ioh ia ka jingiohnong bad kadei ka dkhot jong ka Centralised Payment Systems bad kumta kala ioh ia la u jong u IFSC.
Ha u snem 2019, ka Bank kala ioh ia ka jingjop kaba khraw da kaba shah kynthup ha ka Second Schedule jong ka Reserve Bank of India Act, 1934.
Ha ki snem kiba la dep, kane ka Bank kala ioh ia ka khusnam halor ka jingtbit ban treikam ha ka jingpyniadei bad ki SHG Bank da kaba don ia ka jingpyniasoh bad ka Ministry of Rural Development ka Sorkar India bad kala ioh ia ka jingithuh kum kaba tbit tam ha kaban khate ia ka khajna na ka Tnad Income Tax.
 kala shah jied kum kawei na ki State Cooperative Bank kaba la tbit treikam tam hapoh ka ri, hapoh jong ka Two-Tier bad kala wan balai ha ka jingioh khusnam na ka National Federation of State Cooperative Banks (NAFSCOB) jong ka mang tyngka u snem 2024-25.){kind=link}