Shillong, K’Lyngkot 25: Ka East Khasi Hills District ka la ioh iaka khusnam Best Election District Award haba iadei bad ka jinglah pyniaid biang eh ia ka ilekshon nalor kiwei kiwei ki kam haka por ilekshon.
Ia ka khusnam la sam da ka President ka Ri India ka Droupadi Murmu sha ka Deputy Commissioner (DC) ka East Khasi Hills Kong RM Kurbah ha ka jingrakhe ia ka National Voters’ Day kaba long ha Manekshaw Centre, Delhi Cantonment, New Delhi ha ka sngi U Blei.
