Shillong, Nailar 10: Ka nongmareh Marathon na Meghalaya Dakahi Kyndait ka la jop ia ka jingiakob mareh ‘Women’s 100K’ jong ka ‘One Hundred® Ladakh–Trail to Heaven 2026’ kaba dei shi bynta jong ka jingiakob mareh ‘One Hundred Ultra Endurance Trail World Championship’.
Ka jingiakob mareh kadei kaba la long naduh 6 haduh 8 tarik Nailar 2026, bad kane ka jingiakob mareh kadei kawei naka jingiakob kaba eh tam ha baroh kawei ka pyrthei.
Ka jingiakob mareh ka kynthup kaba 100K, 100-mile bad 42K ha kaba ki nongmareh ki hap ban mareh haka jingjrong kaba 3,500 meter ha Ladakh.
Ka jingiakob mareh 100K kadei kaba hap bud ia ka wah Markha lyngba ka jingkiew iaki lum kiba jrong bad ka jingkylla ka suinbneng.
Haba ai khublei ïa ka Dakahi Kyndait halor ka jingjop jong ka, u Myntri Rangbah ka Jylla Meghalaya u Conrad K Sangma u la batai ïa ka kum ka nongïamareh Marathon kaba la tbit bad jop ïa ki katto katne ki jingïakob ha kine ki snem.
Ha ka jingthoh ha ka X, u Conrad u la ong ba u sngewkmen ban kyrshan ïa ka Dakahi haka jingleit shim bynta haka jingiakob bad kitbok kitrwiang ïa ka ba kan dang ïai bteng ban jop ha ki jingïakob ki ban sa wan.
Big congratulations to Dakahi Kyndait for finishing 1st at the World Championship 100K Ladakh Trail to Heaven 2026 in the Female Category. Dakahi is a seasoned marathoner and has over the years scaled great heights and won many competitions. Glad to have supported her journey.… pic.twitter.com/TVMwavOPL3
— Conrad K Sangma (@SangmaConrad) August 10, 2026
Ka jingjop jong ka Dakahi Kyndait ka pynpaw biang iaka jingjop kaba khraw ha ka jingïakob mareh jong ka ha kaba kala buh ïa ka sap jinglong tbit ban mareh jong ka Meghalaya haka International Level.
