Sikkim, Risaw 6: Haduh 40 ngut ki briew kila iap ha ka jingshlei um jong ka wah Teesta ha Sikkim, kaba la jia na ka jingther kynsan kynsan u lapbah lapsan ha ka miet sngi Ba-ar ha ki thain ba shatei ka Jylla.
Kane ka jingshlei um kala pynjulor ia bun bah ki jingtei bad pynkylla phetwir ia ki hajar ngut ki nongshongshnong nala ki jong ki Iing ki sem.
Kumba 22 tylli ki metiap la ioh ban tam na ka wah Teesta ha ka thain Jalpaiguri District, ong ka khubor Sorkar.
Ki Pulit ka West Bengal ha ryngkat ka NDRF, kila pynlong ia ka jingwad metiap bad ia ki briew ba dang im, kiba shah rong ha ka wah Teesta ha ki bynta jong ka West Bengal.
Kumjuh ruh, ka Sorkar Sikkim kala trei khlem shongthait ban ai jingiarap ia ki briew kiba shah ktah ha kane ka jingshlei um.
Ha kajuh ka por, u Chief Secretary ka Sikkim Vijay Bhushan Pathak ula ong “Kumba 3000 ngut ki briew ki dang sahkut ha Lachen bad Lachung 3150 ngut ki briew la ialeit kai da ka thuk thuk, kila sahkut ha kane ka thain namar ka jingshlei um. Ngin sa leit kit noh ia ki da ki helicopter jong ki shipai bad ki Indian Airforce.
