Shillong, Rymphang 03 : Arngut ki briew-u Balbir Ahirbar bad u Lokendra Singh Tomar, kiba shah kem halor ka jingkynnoh ba ki pynjulor ia ki sakhi ba iadei bad ka jingshah pyniap u nong Indore Raja Raghuvanshi ha Sohra, kila lait noh na kti ka ain namar ka jingbym biang ki sakhi.
U Superintendent of Police ka East Khasi Hills Bah Vivek Syiem ula ong ba ka jingkem ia kine ki arngut ka dei kaba la leh namar ka jingbam banse, hynrei ha ka jingtohkit la shem ba kim donkti satia.
“Ka kaiphod ba khatduh kala shem ba kim don bynta eiei ruh em, kaba lam sha ka jingpyllait noh ia ki” ong u Bah Vivek haba iakren bad ki nongthoh khubor.
Ia ka chargesheet ba-ar lah dep ban file halor kane ka case bad tang uwei napdeng ki lai ngut kiba la kem ba pynjulor ia ki sakhi, lah pynngat ha ka chargesheet.
La khmih lynti ba ka Iingkashari kan sa shong bishar noh shen ia kane ka kam.
Ka nongleh bymma ba hakhmat eh, ka Sonam Raghuvanshi, ka dang don hapoh along, bad ka Iingkashari dang shen kala kyntait ia ka jingpan bah jamin.
