Tura, Naitung 26: Ki Puit kila iohkem ia uwei na ki briew ba hakhmat eh ba kynshoit ia ki paidbah ban thaw jingkulmar bad ban thang ia ka jaka shah jingit ka ACHIK nalor ban lun maw ia ki Pulit bad ki sengbhalang ba dang iakren bad u Myntri Rangbah.
U Marak uba ju bna bha ban kren ia ki kyntien aiding, u dei uba kynshoit ia ki paidbah ban thaw jingkulmar. Ka jingkem ia uka dei kaba sienjam ba kongsan ha ka ban wanrah pat ia ka jingsuk bad ban pynthikna ia ka jingpynsajia ia baroh kiba wanrah ia ka huri hura kaba ktah ia ka shongsuk shongsain.
Ia une u briew la kem da ki Pulit syntiat bala ialam da ka kynhun ba kyrpang ki Pulit.
Hadien ba ka kynhun tohkit kala poi ha iing u Saleng R Marak ha Damalgre, une u briew ula pyrshang ban phet hynrei lah ioh ban kem da ka jingkloi beh ki Pulit.
Ka jingkem ia u Marak ka dei ka khubor ba ym don satia mano mano ruh kiba long halor ka ain bad ki briew kiba kynshoit ia ki kam umsnam kin ioh ia ka jingpynsajia kat kum ki kam ba ki leh.
Pule ruh: Assam: Shah bom iap u rangbah, mynsaw 2 ngut ba suba tuh masi ha Morigaon
