Guwahati, Naitung 26: Uwei u briew ula shah bom iap bad arngut kila mynsaw jur ha ka jingshah bom shnong ha ki paidbhur halor ka jingsuba ba ki dei ki nongtuh masi. Kane ka la jia ha Morigaon District.
Une u briew uba iap u kyrteng u Saddam Hussain katba kiba mynsaw ki kyrteng u Billal Ali bad u Mizarul Haque.
Haba iakren bad ki nongthoh khubor, u SP ka Morigaon Hemanta Kumar Das ula ong “Ki trai shnong kila kem ia kine ki lai ngut halor ka jingsuba tuh masi ha ka thain Ahatguru jong ka District. Ki paidbhur kila bomshnong ia kine ki laingut”.
U iathuh ba ki pulit haba ioh jingtip ia kane ka jingjia, kila leit wut wut sha katei ka jaka hynrei ki paidbhur kila lun maw pynban sha ki Pulit. U ong ba dei hadien kattto katne por, ki Pulit kila lah ban leit iarap ia kine ki laingut hynrei u Saddam Hussain ula iap noh.
U pyntip ba ki Pulit kila register case halor kane ka jingjia bad ka jingtohkit kala iaid shakhmat.
“Ym pat kem iano iano ruh haduh mynta. Don ruh napdeng ki Pulit kiba la mynsaw ha kane ka jingjia bad kila don hapdeng ka jingsumar ha Hospital” ula ong.
Pule ruh: Thong u DC da ka song pisa ban iohkem ia ki Nongkynshoit ba pynkulmar ha Tura
