spot_img

Jingkulmar ha Tura : Kot 46 ngut kiba la shah kem kynthup u Nongniah kali buh skul

Date:

Share post:

Tura, Naitung 28 : Ki Pulit ka West Garo Hills kila kem haduh 46 ngut ki briew kiba hiar thma ia ka Chief Minister Office (CMO) ha ka janmiet 24 tarik Naitung bad u nongniah jong kawei ka kali leit buh bad shaw skul u dei uba la kem khatduh eh ia mynta.

Une u Nongniah bos u kyrteng u Rakmen G Momin, ia uba ki kmie ki kpa kila shaniah ia ka jingshngain jong ki khun ki kti ba un pynpoi suk ia ki sha skul da ka kali Maruti ba u niah.

Ia une u briew la kem ha ka sngi Palei.

Ia une u nongniah kali skul la ioh kem halor ka sakhi na ka video ba pyni ba ula kawang da ka shuki sha ki Pulit habar jong ka Chief Minister Office shuwa ba ki paidbah kin sdang ban ialun maw ia ki bor khmih bad wat ia ki nongialam ka ACHIK kiba la shah khot ha u Myntri Rangbah ban iakren halor ka jingdawa ia ka Winter Capital ha Tura.

Une u Nongniah kali ula jah rngai hadien ba ula paw dur ha ki rynsan social media ba pyni ia ki kam ba ula leh.

Da kane ka jingkem, ka jingdon jong ki briew ba shah kem haduh mynta kala kot sha ka 46 ngut kynthup ia 7 ngut ki Kynthei.

Pule ruh: Weng noh u DC ia ka korphiw miet ha Tura

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...