Shillong, Nailar 20 : Ka Tnad Tourism ka Jylla kala pynkhlain ia ka jingkhmih bniah ia ka jinglong jingman ha Shillong hadien ki jingjia thombor bad pynjulor nongkynti ha kylleng ki jaka jong ka Nongbah ha ki kynta ba iaid ka rally thuk thuk jong ka seng Khasi Students’ Union (KSU) hynnin ka sngi Balang.
ATTENTION TOURISTS & VISITORS
Given the current law and order situation in Shillong, the Tourism Department urges all visitors and tourists who need assistance to contact the Tourism Toll-Free Helpline at 1800-599-2026.
Please stay alert, follow official advisories, and reach… pic.twitter.com/wkXgRXw38d
— Meghalaya Tourism (@meghtourism) August 20, 2026
Ha ka jingpynbna paidbah bala pynmih hapdeng ka jingmih ki jingsngewkhia ia ka jingsniew ka suk ka sain, ka Tnad kala ong ba kala peit thuh bha ia ki jinglong jingman ja Shillong bad kala khmih bniah ia kino kino ki kam kiba lah ban ktah ia ki nongwankai bad ki nongjngohkai pyrthei.
“Ka jingshngain bad ka bha ka miat jong baroh kiba wan sha Meghalaya kan iai long kaba hakhmat eh” ong ka Tnad haba kyntu ia ki nongjngohkai bad ki nongwankai kiba donkam jingiarap ne jingtip ba kin kren ia ki bor kiba dei khmih.
Kane ka jingbthah kala mih shisngi hadien ba ka rally thuk thuk ka KSU kala kylla long ki kam thombor ha kylleng ki bynta jong ka Shillong.
Ki pulit ki iathuh ba haduh 31 tylli ki kali khambun ki kali Sorkar, kila julor bad bun ngut ki briew kila mynsaw na ki jingshah shoh. Ki don ruh ki kali Sorkar kiba la shah thang nalor ka jingpynjulor ia u motsahnam jong u Swami Vivekananda bad Netaji Subhas Chandra Bose ha Rynjah.
Lai ngut ki nongialam ba hakhmat ka KSU kila shah kem haba iadei bad kine ki kam thombor, ong ki Pulit.
Kane ka huri hura kala wanrah ruh ia ka jingsyier bad jingsngewkhia hapdeng ki nongwankai bad ki nongjngohkai kiba thmu ban wan sha Jylla, kiba la buh jingkylli lyngba ki kor online ia ka jingshngain ban wan sha Shillong.
Ka Tnad Tourism kala pyntip ba ki nongwan kai ki lah ban phone ha u toll-free helpline 1800-599-2026 ban ioh ia ki jingiarap lane ki jingtip.
 hynnin ka sngi Balang.){kind=link}