Shillong, Naitung 31: Ki Regional Committee ia pynbeit pud hapdeng ka Meghalaya bad Assam, kila ioh por biang haduh u bnai Nailur 2024 ban aiti iaki kaiphod shaka Sorkar Jylla.
Ia kane la pyntip da u Myntri Sorkar u Bah Paul Lyngdoh uba dei ruh u Chairman ka Regional Committee jong ka West Khasi Hills.
“Ngi la ioh por biang ban aiti iaki kaiphod shaka Sorkar Jylla haduh u bnai Nailur 2024” ong u Bah Paul.
U Bah Paul ula ong ba haba iadei bad ka West Khasi Hills, ka Committee kala phah buh ia ka tarik kaba pdiang da ka Sorkar Assam ia kaba la phah ktien sha u DC Kamrup, na ka bynta ban pynlong iaka jingleit jurip iaki jaka haki thain khappud.
“Hadien bala ioh iaka tarik kaba biang, ka Regional Committee West Khasi Hills Meghalaya bad ka Regional Committee Kamrup Districtb Assam, kin sa leit jurip iaki jaka bad iaki shnong haki thain khappud hashuwa ban pynkhreh bad aiti iaki kaiphod sha la ki Sorkar Jylla” ula ong.
