Shillong, Naitung 31: Ka tnat kam jngohkai pyrthei bad ka tnat pynroi sor kan sa shong iakren bha halor ka jingthmu ban pynkynriah iaki briew kiba shong die madan hapoh ka thain Khyndai Lad Shillong.
Ia kane la pyntip da u Myntri ka tnat kam jngohkai Bah Paul Lyngdoh haba pynpaw “Ka jingthmu ban pynkynriah iaki nongdie madan kan iaid beit kum bala iakren”.
“Ngin pynthikna baka jingthmu ban pynkynriah iaki ba shong die madan ha Khyndai Lad kan iaid beit iaid ryntih” ong u Bah Paul.
U Bah Paul ula ong baka Sorkar ka don jingthmu ban pyndep ia kane ka kam hapoh 15 tarik Nailar 2024.
“Hynrei ngan hap ban iakren shwa bha bad u Symbud Myntri Rangbah ka Jylla ba khmih iaka tnat pynroi sor namar kane ka mat ka hap haka jingkhmih ka tnat pynroi sor” ula ong.
