Shillong, Nailur 13: Ka National People Party (NPP), hadien ba u lyoh ba dum u la wan ban kahdum ia ka jylla Meghalaya namar ka jingkhlad noh u Myntri Rangbah barim Dr. DD Lapang, kila pynlong ia ka jingialang sngewlem hapoh ka ophis trei kam jong ka party.
U Dr. DD Lapang u la khlad noh haka sngi Thohdieng ha Super Care Hospital, ha ka por kumba 10 shiteng eiei mynmiet bad uba la kynjoh 93 snem ka rta.
Nalor u National President ka NPP, la wan ban ia don lang ruh u Bah Prestone Tynsong uba dei u State President ka NPP, kumjuh ruh u Bah Sniawbhalang Dhar uba dei u National Working President, ka President jong ka National People Women Party na ka Jylla Nagaland, ka President jong ka State NPWF Kong Garce Mary Kharpuri nalor kiwei pat ki nongialam bad ruh ki nongtrei kam party.
Haba kren ha kane ka jingialang sngewlem u National President ka NPP bad Myntri Rangbah ka jylla Conrad K Sangma u la ong, “Kadei ka sngi ba sngewsih ia ka jylla baroh kawei namar ka jingduh ia u Dr. DD Lapang uba la long teng u Myntri Rangbah ka Jylla bad kumjuh ruh u nongialam ka National People Party”.
U Conrad u la ong, Baroh phi ia tip ba u Dr. DD Lapang ha kine ki khyndiat snem u la pyniasoh noh ia lade sha ka party NPP bad ka jingthung ia u kum u nongaibuit jong ka sorkar kala iarap shi katdei eh ia ka sorkar.
“Wat hapdeng ka jingeh ba ka sorkar ka ia kynduh, hynrei un dei uba nyngkong eh ban batai ne bthah bad ai jingmut ia nga kumno ban leh bad ka jingthung ia u, kum u nongaibuit ka Sorkar, kam shym la long kaba leh nohei namar ba kala iarap shisha ia ka sorkar” ong u Conrad.
Shuh shuh u Conrad u la pynkynmaw ba ha ka por ba jop ka Dr. Mehtab Chandee kum ka MLA ha ka election shiteng samoi na Gambegre Constituency, u Dr DD Lapang u dei ba nyngkong eh ban thoh da ka shithi bad batai ruh ba kumno ba kan iaid lynti kum ka MLA.
U Myntri Rangbah u la ong ruh ba u Dr DD Lapang u la don slem bha hapoh ka sain pyrthei bad ha ka jinglong kum u nongmih khmat paidbah u la shakri ha kiba bun ki tnad sorkar bapher bapher, kum u President nga phah ia ka khubor sngewlem sha kiba ha iing ha sem khamtam eh ia ka kurim bad ki khun ki ksiew baroh.
Halor kane ka jingkhlad noh, ngin buh da ka jingdwai ba u Blei un ai ka jingjah thait ka bym jukut ia ka mynsiem ba la leit noh jong u Dr Lapang.
, hadien ba u lyoh ba dum u la wan ban kahdum ia ka jylla Meghalaya namar ka jingkhlad noh u Myntri Rangbah barim Dr. DD Lapang, kila pynlong ia ka jingialang sngewlem hapoh ka ophis trei kam jong ka party.U Dr. DD Lapang u la khlad noh haka sngi Thohdieng ha Super Care Hospital, ha ka por kumba 10 shiteng eiei mynmiet bad uba la kynjoh 93 snem ka rta.){kind=link}