Shillong, Naitung 02: Ka Lehniam Behdienkhlam kadei kawei napdeng ka lehniam lehrukom tynrai kaba heh tam jong ki Pnar ha Meghalaya. Ka Behdienkhlam ka dei ka jingleh niam ban beh ia ka khlam jingpang.
Man la u snem la rakhe ia ka Behdienkhlam ha u Naitung hadien ba la dep ban thung kba bad ka dei ruh ka shad kaba kongsan tam jong ki riewlum Jaintia.
Ha ka por jong ka jingrakhe iaka Behdienkhlam, ki riewngeit ki pan iaka jingkyrkhu kyrdoh na u Blei Trai Kynrad na ka bynta ban bha ka rep ka riang.
Ha katei ka shad ki kynthei kim ju iashimbynta ha kaban iashad hynrei ki pynkhreh ia ka bam ka dih na ka bynta ban ai sha kito kiba la khlad noh.
Ia ka jinglehniam Behdienkhlam la pynlong ha Jowai bad kadei ka jinglehniam lehkmen kaba pawnam bha ha ka jylla.
Kumno la rakhe iaka Leniam Behdienkhlam?
Ha kane ka sngi, ia ka niam ka rukom la leh da u Daloi bad ki samla shynrang ki iashimbynta ha ka lehniam lehrukom ha kaba ki leit ha ki ïing ki sem ban beh iaka khlam, ki jingpang bad iaka sniew ka smeh da kaba tied ia ki tyrsad ïing da ki siej.
Kawei na ki bynta kiba paw bha ha kane ka lehniam lehrukom kadei ka jingiaknieh ki ar kynhun jong ki shynrang ban ioh ktah ia u khnong ba la wanrah ha jaka shad Behdienkhlam kaba la tip kum ka Wah-eit-nar.
Da ki spah ngut ki shynrang ki rung bad kyrsum ha katei ka lympung shad kaba dap da ka um bad ka ktieh.
Katno sngi la pynlong ia kane ka jingrakhe iaka lehniam Behdienkhlam?
Ka jingrakhe bad ka lehniam lehrukom iaka Behdienkhlam la pynlong ha ki lai sngi bad ha ka sngi kut ki paidbah na kylleng ki leit ban ialum ha Aitnar ha kaba ki samla bad ki rangbah ki shad da kaba bud ryntih ia ki jingsawa jong ka ksing bad tangmuri.
Ia kane ka jingngeit jong ki la paw ruh na ka jingpynwan dur ia ki Rot ne ki Tableau kiba la pynitynand bha ha ki dur kiba pher bapher kiba don jingmut ba la wanrah ryngkat ki Khnong sha katei ka lympung shad.
Ha kane ka sngi la pynlong ruh iaka Dat Lawakor kaba iasyriem kum ka football ha kaba ki shynrnag ki iakynjat iaka bol kaba la shna da ka dieng.
Katno Tarik la pynlong iaka Behdienkhlam ha u 2023?
Mynta u snem iaka Behdienkhlam yn pynlong haka 8 tarik u Naitung kaba dei ka sngi saitjaiñ.
Hato kadei ka shuti ha ka sngi ba rakhe ia ka Behdienkhlam?
Na ka bynta ka jingrakhe ia ka Behdienkhlam, la ai shuti tang hapoh ka jylla Meghalaya.
