Shillong, Lber 26: Ka Senior Men bad ka U-25 Men Selection Committee jong ka Meghalaya Cricket Association (MCA) hynne ka sngi kala jied iaki 15 ngut ki rang ialehkai ban ialam da u Wanlambok Nongkhlaw ban iakhun ha ka 1st North East Inter State Friendship Tournament.
Ia ka 1st North East Inter State Friendship Tournament.tournament la pynlong daka North East Cricket Development Committee (NECDC), ka ban sdang naduh 28 tarik mynta u bnai Nagaland bad ka kynhun jong ka Meghalaya kin mih ha ka juh ka sngi.
Ka NECDC kadei ka kynhun ba kynthup ka Meghalaya, Nagaland, Manipur, Sikkim, Mizoram naduh 2016 naka bynta ban pyniajan ka jingiadei hapdeng ki jylla jong ka thain Shathei Lammihngi naka bynta ban iakhun ha ka Ranji Trophy bad kiwei ki jingialehkai ba pynlong daka BCCI.
Ha kane ka jingialehkai ki 6 tylli ki jylla ki shah kynthup ha ar bynta.
Ka kynhun jong ka Meghalaya ki kynthup u Wanlambok Nongkhlaw (Captain), Kishan Lyngdoh, Swarajeet Das, Ram Gurung, Jaskirat Singh Sachdeva, Rohit Shah (WK), Lerry G Sangma, Raj Biswa (Vice-Captain), Manish Sharma, Akash K Choudhary, Arbin Singh, Kevin Sanjeev Christopher (WK), Abhishek Kumar, Sanvert Kurkalang, Anish Charak.
Ki Standby players ki kynthup u Chengkam Sangma, Arien B Sangma, Tarique Anwar Siddique bad ki officials ki kynthup u Chiang D Shira bad u Biswajit Dasgupta.
