New Delhi, Jylliew 05: Ka kynhun NDA da kawei ka jingmut kala jied biang ia u Narendra Modi ban ialam iaka Ri laisien lynter, ha ka jingialang kaba la long hynne ka sngi Balang ha nongbah Delhi.
Ka NDA kala pynpaw ba mynta la 10 snem, 140 klur ngut ki nong India kila iohi ia ka ri ba kala kiew ha ka roi ka par ha baroh ki liang namar ka jingwanrah ka sorkar NDA ia ki polisi treikam na ka bynta ki paidbah hapoh ka jingialam u Narendra Modi.
Hadien la bun phew snem kata haduh 60 snem tam, ki paidbah ka ri India kila jied ia u nongialam uba skhem uba don iaka jingbun paid mynta laisien lynter. Ngi sngewsarong ba ka NDA kala iakhun bad jop ia ka elekshon MP Lok Sabha 2024 da ka jingiatylli kawei hapoh ka jingialam u Narendra Modi.
Ka sorkar NDA hapoh ka jingialam u Modi ka iengskhem bad ka jingkular ban shakri ia kynthei bad ki samla nongrep kiba duk, kiba shem lanot bad kiba mad ia ki jingeh kum ki nongshong shnong ka ri India.
Ka sorkar NDA kan bteng ban trei na ka bynta ban kyntiew iaka kyrdan ha ka rukom im jong ki paidbah ka ri India ha baroh ki liang ha ka roi ka par bad ban pynneh pynsah iaka jinglong kyrpang jong ka ri India.
