Nongstoiñ, Risaw 01: Katkum ka khubor pulit la ong ba uwei u rangbah ba la 39 snem ka karta, u ba la tip kyrteng u Hebert Mawlieh na ka shnong Pyndengrei bad u ba shong ba sah ha Themiew New Nongstoiñ, u la jah naduh ka 29 tarik Nailur 2024 ha ka por mynstep khlem pat wanphai haduh mynta.
La ong ba u Hebert u dei uba ju ñiah їa ka kali Auto truck bad ha ka por ba u jah u phong їa ka sopti rong grey, patlun rong iong. Hynrei ha katei ka step jong ka 29 tarik u ieh їa ki slipar bad ka mobile ruh u khlem rah.
