Gangtok, Risaw 18 : Uwei u doktor uba iarap ia ki spah ngut ki lanot shlei um hapoh ka Jylla Sikkim, ula jah rngai ialade bad mynta ka kynhun ai jingiarap (rescue team) watla kala pynkut ia ka jingiawad briew ba jah, hynrei ka jingwad ia une u doktor kala iaid beit shaid shaid.
Une u doktor u kyrteng u Pema Norden Lachungpa, uba la iarap da ki spah ngut ki briew ha ka jingleit wad bad pyllait ia ki na ka jingma na ka jingshah rong ha ka umsaw bad kiwei kiwei.
Kiba bun ki kynhun ai jingiarap kynthup ki shipai, kila pynsangeh noh ia ka jingiawad ia ki briew kiba jah hynrei tang ka kynhun NDRF ka dang bteng ban wad ia une u doktor. Kane ka kynhun ka NDRF ka dei kaba don 31 ngut ki dkhot.
U Doktor Pema ula jah rngai hadien ba u leit rung sha ka dam ban leit pyllait ia ki nongtrei kiba sahkut ha kane ka dam.
“Ka kynhun jong ka National Disaster Response Force (NDRF), kila bteng ia ka jingwad ia une u doktor ba 47 snem hadien ka jingkyrpad jong ka Sorkar Jylla, ia uba la ong ba u dei uba la iarap ia palat spah ngut ki kynthup kiba shem lanot ha Chungthang-kawei na ki district kaba shah ktah jur bha ha ka jingshlei um” ong ka khubor Sorkar.
U Commandant ka NDRF Gurminder Singh, uba ialam ia ka kynhun ban wad briew ha Sikkim ula ong ba une u doktor uba don ha iing ha ka por ba wan ka umsaw, ula leit shapoh ka jaka sah briew (residential quarter) jong ka Dam ban iarap ban pyllait haduh 102 ngut ki briew ba kin poi sha ki jaka ba shngain.
La iathuh ba dei une ruh u doktor uba la plie ia ka floodgate jong ka dam ban pynduna ia ki jingpynjulor namar ka jingkhlainbor ka umsaw.
“Ka Sorkar Jylla kala kyrpad ban nym pynsangeh satia ia ka jingiawad ia une u doktor” ong u Singh haba bynrap “Kane kam dei satia ka sien ba nyngkong ba une u doktor ula leh ia ka kam shlur. Ula iarap ruh ia ki bor District ha ka por ba wan lynshop u jumai ia ka Sikkim ha u snem 2011”.
Ia mynta, haduh 92 ngut ki briew la pynthikna ba kila iap na kane ka jingshlei um.
 watla kala pynkut ia ka jingiawad briew ba jah, hynrei ka jingwad ia une u doktor kala iaid beit shaid shaid.){kind=link}