Nongstoin, Naitung 25: Arngut ki heprit shynrang ba dang 11 snem ka rta, kila jah rngai hynne ka step phyrngap sngi Palei hadien ba ki mih nala iing ban leit mareh step.
Kane ka jingjia kala jia ha ka shnong Tiehsaw, Nongstoin, West Khasi Hills. La ong ba kine ki heprit ki iadei shiparalok bad ki ju smat bha ban ialeit mareh step manla ka sngi.
Kine ki arngut ki heprit ki kyrteng u Aibantei L. Marsiangbai, khun u Bah Lubelti Sohshang bad u heprit Hamebatskhem Marwein khun u Bah P Hoojon.
Kat kum ka jingpynbna bala pynmih ha ki rynsan social media, ia kine ki heprit la iohi khatduh ha ka por 4:30 baje mynstep ha Tiehsaw.
Ki Pulit kila kyntu ia kino kino kiba iohi ne don jingtip shaphang kine ki heprit ba kin sngewbha ban pyntip sha ka Police Control room Nongstoin ha u nombor 9366498499/6909642019 lane sha u O/C ka Nongstoin ha u nombor 9774054478.
