Shillong, Rymphang 02 : U Myntri ka Tnad Community & Rural Development Bah Sosthenes Sohtun ula pdiang ia ka jingpynkylla ia ka Mahatma Gandhi National Rural Employment Guarantee Act (MGNREGA) sha ka Viksit Bharat Guarantee for Rozgar and Ajeevika Mission (Gramin) (VB G RAM G) Act, 2025, bad pynpaw ba ka Jylla kan ioh nong bha na kane ka Act.
“Haba khmih ia ki jingiakhein iadiah, ka pyni ba ka Sorkar Jylla jong ngi kan ym duh eiei ruh em. Ha ka jingshisham kan iohnong pynban” ong u Bah Sosthenes haba iakren bad ki nongthoh khubor ha ka sngi Nyngkong.
“Ka synniang jong ka Jylla sha ki tiar ki tar kala hiar na ka 25% sha ka 10%, bad ka jingaikam kan kiew sha ka125 sngi ka ban pynmyntoi bha ia ki briew ba don ia ki job card bad ki unskilled worker” ula ong.
Kane ka act thymmai kan kynthup ruh ia ki skul nongkyndong, kaba lah ban pynkiew ia ka jingmang pisa na ka 1200-1500 sha ka 2000.
“Kane kan pynmyntoi bha ia ki paidbah ka Jylla jong ngi, khamtam ki longiing kiba duk, ki briew ba don job card bad ki unskilled labour” bynrap u Bah Sosthenes.
Haba kylli, u Bah Sosthenes ula ban jur ba ka Sorkar ka pdiang ia kane ka act ba thymmai namar ka pynmyntoi ia ki paid bah ka Jylla. “Ka Sorkar jong ngi ka pdiang ia kane ka act, kaba pynleit jingmut halor ka jingmyntoi ki briew jong ngi” ula ong.
Haba khmih ia ki jingsngewkhia halor ka jingpyndonkam bakla ia ka pisa, u Bah Sosthenes ula ong “Ka act ba thymmai kan wanrah ia ka jingtreikam kaba shai, kaba ailad ia ki VEC bad ki briew ba don ki job card ba kin peit pyrman ia ki kam bad ki jingmyntoi”.
Ula bthah ia ki Ophisar ba kin pynbeit ryntih ia ki rukom pyniaid kam ban khang lad ia ka jingpyndonkam bakla ia ka pisa. “Kum u Mytri ngan sa bthah ia baroh ki Block, ki BDO, ba kin pynbeit ryntih ia baroh ki kam ha kata ka dur ba kan nym don sati aka jingpyndonkam bakla ia ka pisa jong baroh ki skhim bala ai sha ki”.
Halor ka jingpynioh Internet na ka bynta ka eKYC, u Bah Sosthenes ula kubur ia ka jingeh bad kular ban pyrshang ha ka ban pynbiang noh katba lah.
“Ngan sa iakren ia kane bad u Myntri Rangbah ka Jylla bad sa lum ia ki jingkhein na ki VEC khnang ban lah pynbeit ia kane ka kam” ula ong.
 sha ka Viksit Bharat Guarantee for Rozgar and Ajeevika Mission (Gramin) (VB G RAM G) Act, 2025, bad pynpaw ba ka Jylla kan ioh nong bha na kane ka Act.){kind=link}