Shillong, Naiwieng 28 : Ka 3rd Girevoy Sports Indian Federation (GSIF) State Kettlebell Championship 2023, kaba la long ha Pinewood Gym ha ka 27 tarik u Naiwieng kala long kaba iaid beit ha kaba kila don 14 ngut ki nongiashimbynta bad kila ioh khur 8 tylli ki Takma ksiar bad 7 tylli ki takma rnong.
U D.K Prasad, uba dei u ophisar MPS bad u Assistant Commandant ula long kum u nongai mynsiem ia ka Gold Gym. Ha kaba ha ka rta kaba 57 snem ula lah ban ioh khur ia ka takma rupa ha katei ka jingiakob ha kaba ula pyni ba ka jingbit jingbiang ka met ka phad kam don rta eiei.
Ia katei ka jingiakob la pynlong da ka Parag Mhetre, u Secretary ka GSIF u Sandeep Sharma, uba long ruh u World Champion uba bat ruh ia ka takma rnong ha ka Kettlebell Sports, ka jingiakob kadeinshi bynta jong ka jingshimkhia ka GISF ban pynlong ha kylleng ki jylla kum ka Meghalaya, Assam bad Maharashtra.
U Sandeep Sharma, uba la ioh shen ia ka Takma Rnong ha ka international kettlebell competition ha Hungary, ia mynta u shimkhia bha ban kyntiew ia kane ka jingialehkai ha ka jylla. Kum u nongai jinghikai ha ka Gold’s Gym bad Pinewood Gym, u ai jinghikai ruh ha ka Kettlebell bad Animal Flow ( udei tang ma u hi, u nonghikai uba la ioh jinghikai ha ka thaiñ shatei lam mihngi)
