Shillong, Iaiong 06 : U MLA ba hynriew sien ka BJP na Pynthorumkhrah Bah Alexander Laloo Hek, ula shah pynkup burom da ka AIMS Democratic Leadership Award 2026 ha ka jingialang kaba long ha Constitutional Club ha New Delhi.
Ka Alliance of Intellectual Minds & Statemen (AIMS) kala ithuh ia u Bah Hek halor ki jingnoh synniang jong u sha ka jinglong kordor ka riti synshar paidbah bad jinglong nongialam la jan 30 snem ha ka jylli sain pyrthei jong u.
“Ka khusnam ka pyni ia ka jinglah treikam bha u Bah Hek kum u nongmihkhmat ba shah jied ha ki paidbah” ong ka kyrwoh bala pynlait da ka State BJP ha ka sngi Nyngkong.
Ka ong ba ka jingpynkup burom ka pyni ia ka jingjop bunsien u Bah Hek ha ki elekshon bad ka jingphaikhmat jong ka BJP ha ka roi ka par kaba kdup lang ia baroh.
