Imphal, Jylliew 22 : Ki shipai Assam Rifles ha ryngkat bad ki Pulit Commando ka Manipur, kila ioh tam ia u Mortar HE Bomb na ki bynta ba sha kjat jong u lum Mongjam, kaba don ha Imphal East.
Ki shipai Assam Rifles kila pyntip ba kila ioh tam ia u X51MM Mortar HE Bomb hapoh ka Jylla bad ia ka dur ba ioh tam ia une u bomb la pyllait paidbah ruh ha ka twitter jong ki shipai Assam Rifles.
Hynnin ka sngi, lai ngut ki briew kila mynsaw jur na ka jingbthei bomb IED ha Bishnapur District bad uwei na kine kiba mynsaw u don hapdeng ka jingshitomkaba jur.
Lah ban kdew ba u Myntri kam Pohiing ka Ri Amit Shah ula khot ia ka jingialang jong baroh ki seng sain pyrthei ha ka 24 tarik Jylliew por 3 baje janmiet ha New Delhi ban iamir jingmut halor ka jinglong jingman hapoh ka Jylla Manipur.
Kane kala mih ruh tang shisngi hadien ba ka President barim ka Congress Sonia Gandhi kala pynpaw ia ka jingdonkam ban khot noh ia ka jingialang ki seng sain pyrthei.
Pule ruh:Â Manipur : Khot u Amit Shah ia ka jingialang ki seng sain pyrthei ban lah wanrah pat ia ka jingsuk
