Shillong, Naitung 26 : Ka jingwad briew ba saw sngi kynthih jong ka State Disaster Response Force (SDRF) kala kut noh ha ka sngi sngi U Blei da ka jingioh tam ia ka metiap u briew uba jah na Wahniangleng kaba don marjan ka Phra Mer, Mylliem.
Ia ka met la ioh sei ha ka por kumba 7:10 bahe mynstep ha ka 26 tarik Naitung, 2026, ong ki Heh ka SDRF.
Ka SDRF kala pynlong ia ka jingwad briew naduh ka 22 tarik Naitung hadien ka jingioh khubor ba u nongshnongshnong ka Phra Mer ula jah rngai.
Ha ryngkat ka jingiatreilang bad ki Pulit ka Mawngap bad ka jingiarap ki trai shnong ka Laitkroh bad Phra Mer, ka kynhun SDRF kala hiar ia ka riat bad niom ia ki rud wah ban wad ia une u briew.
Ka kynhun kala pyndonkam ruh da ka lieng jri ba shu put lyer ban wad ha kylleng ki jaka ka dam Mawphlang.
Ia ka met la aiti noh sha ki Pulit ka Mawngap ba kin pyndep ia ki jingdonkam kat kum ka ain kynthup ka post mortem.
 kala kut noh ha ka sngi sngi U Blei da ka jingioh tam ia ka metiap u briew uba jah na Wahniangleng kaba don marjan ka Phra Mer, Mylliem.){kind=link}