Kohima, Nohprah 10 :Ka samla 23 snem rta ka Hikali Achumai napoh Zunheboto district kala ioh ban rah ia ka nam lahduh ha ka jingiakop ‘Miss Nagaland 2022’ kaba la long ha ka 9 tarik mynta u bnai hapoh Cultural Centre ha Kohima.
Ka Achumai kala ioh ruh ia ka khusnam kaba da ka pisa kaba long T. 1lak nalor kiwei pat ki jingai sngewbha.Katba u Moalong Yaden uba dei u nongialehkai rahnar (bodybuilder) napoh Dimapur ula ioh ia ka nam “Mr Nagaland.”
Ka Kenei Ritse na Phek bad ka Jentiren Jamir naMokokchung kila wan ha ka kyrdan kaba ar bad kaba lai.Kaba wan ba ar kala ioh ia ka song pisa kaba T.70,000, bad kaba lai T.30,000 nalor ki jingai sngewbha.
Ha kane ka jingiakop katei ka lahduh kala ioh pdiang ia ka jingkylli kaba ong kaei ka bynta kaba u shynrang u lah ban kham khring ia ka kynthei, ha kaba kala jubab ba man ka bynta jong u shynrang ka long kaba kongsan na ka bynta ka kynthei bad kane ka iapher na uwei u briew sha uwei pat bad ba kalong kumne kumba ka long namar ka jingieit kaba u kpa jong ka ula ai ha ka.
“I pa jong nga ila pynheh pynsan ia nga ba ngan long ka briew kaba jop.”Ka bynta jong u kpa kala kham ban jur na ka bynta ka jingim ka jong nga,” kala ong shuh shuh.Haba kylli balei ba ka dei hok ban ioh ia kane ka jingjop, kane ka lahduh kala jubab da kaba ong ba ka lah ban long ka nuksa ba kongsan na ka bynta kiwei pat ki para kynthei bad ruh ka sur na ka bynta jong ki.
Ha kane ka sngi la ia don lang ruh ki nongshah khot sngewbha kiba kynthup ruh ia u MLA ka 10th Northern Angami-I u Khriehu Liezietsu.
