Guwahati, Iaiong 18 :Ki bor pulit ka Assam hynnin ka sngi Thohdieng ki la ioh ban pyllait noh ia arngut ki nongkhaii kiba dei na Dimapura kiba la shah rahbor noh napoh ka steshon rel na Guwahati, kata hadien ak jingkhynra kaba jur ha ki bynta jong ka lynti surok Guwahati Housefed road.
Ia kine ki arngut ki nongkhaii ba la tip kyrteng kum u Kanhaiya Singh bad u Uttam Jaiswal la ngeit ba ki la shah rahbor noh napoh ka steshon rel na Guwahati naduh ka 14 tarik mynta u bnai, kata ha ki suba runar jong u nongkhaii drok ba la tip kyrteng kum u Farooq Ahmed.
Katkum ki khubor la ong ba kine ki nongrahbor ki la dawa pisa T.10 lak na ka bynta ban pyllait noh ia ki.Kumba ka long mynta u Farooq Ahmed u dang don hapdeng ka jingphetrieh bad na ka liang ki bor pulit ki dang pynlong ka jingthwet kaba jur ban ioh kem ia u.
Ha kawei pat ka bynta, ki bor pulit ki la rah noh ia ka kurim jong u Farooq na ka bynta ban pynlong ka jingtohkit ha kaba iadei bad katei ka jingjia.
