spot_img

Ioh pyllait im ki Pulit ia u mechanic ba shah rahbor ha Ri-lum Garo

Date:

Share post:

Tura, Lber 22 : Ki Pulit ka South Garo Hills, kila ioh ban pyllait im ia u mechanic jong kawei ka kompani shna surok, uba shah rahbor ha ka kynhun ki runar kiba la aipor lai sngi ia ka kompani ban siew ia ka pisa ba T.50 lak.

Ia une u mechanic la ioh pyllait napdeng jong kawei ka khlaw. Une u mechanic u kyrteng u Akhilesh Chauhan ba na Lucknow, Uttar Pradesh.

Une u mechanic ula shah rahbor na ka jaka shna jingkieng kaba don hajan ka shnong Karukom, Siju, South Garo Hills, myn ha ka miet 19 tarik.

Tang hadien katto katne kynta ba rahbor, kine ki runar kila phone ia ki bahaiing u Chauhan ha UP bad dawa pisa ba T.50 lak ban pyllait ia u haba aipor ruh lai sngi ba kin aiti ia ka pisa, ka ban kut mynta ka sngi.

Ki Pulit kila pynlong ia ka jingkhynra ha ka miet sngi Palei bad kila lap ia ka jaka rieh jong kine ki nongrahbor kaba don hapdeng jong ka khlaw, kaba jngai kumba 10 Km eiei na ka jaka ba rahbor.

Ha kane ka jingkhynra, ki Pulit kila ioh kem ia arngut ki nongrahbor katba arngut pat kila ioh phet. Kine ki runar ki dei kiba ju don jingiadei bad ki kynhun kaikhlaw.

Kiba shah kem ki kyrteng u Wilban M Sangma ba na Durabanda Songgital, South Garo Hills bad u Withmil S Marak ba na Upper Dosogre, South Garo Hills.

Ki Pulit kila register case pyrshah ia kine ki arngut ha Siju Police Station.

Share post:

spot_img
spot_img

Popular

More like this
Related

Kyrshan ka JSU ia ka jingiakhih ka FASTOM | Kyntu ia ka Sorkar ban pynurlong ia ka jingdawa

Shillong, Nailur 25: Ka Jaintia Students Union (JSU) Shillong...

Hukum ka Iingkashari POCSO ban set phatok 10 snem ia u nongleh beijot khynnah

Shillong, Nailur 25: Ka Iingkashari Special Judge (POCSO) ka...

Iap 6 ngut na ka jingpang rabies hapoh shisnem ha WKH

Nongstoiñ, Nailur 25: Haduh 6 ngut ki briew kila...

CK Nayudu Trophy | Pynbna ka MCA ia ka kyrteng ki nongialehkai U-23 ban mihkhmat ia ka Jylla

Shillong, Nailur 25 : Ka  Senior Men's Selection Committee...