Shillong, Nohprah 23 : Haduh 124 ngut ki kyrtong na Meghalaya kila ioh pdiang ia ka shithi iohkam hynne ka sngi Nyngkong ha ka 14th Rozgar Mela kaba la pynlong ha Shillong.
Kane ka jingialang ka dei shibynta na ka prokam kaba la pynlong ha ki 45 tylli ki jaka ha kylleng ka Ri, kiba la pynlong ruh ha kajuh ka por.
U Myntri Khynnah ka Rural DevelopmentKamlesh Paswan, ula aiti ia ki shithi thungkam sha ki kyrtong ha ka jingialang kaba long ha NEIGRIHMS Auditorium, kaba la pynlong da ka 67th Battalion ki CrPF.
Kine ki samla ba ioh kam kin leit trei mynta ha ki tnad bapher bapher kynthup ha ki 8 tylli ki Ministry ka Sorkar Pdeng, CRPF (Central Reserve Police Force), SSB (Sashastra Seema Bal), ITBP (Indo-Tibetan Border Police), Health Ministry, Railway, BSF (Border Security Force). Postal Department, Finance Ministry
U Myntri Rangbah Duh ka Ri Narendra Modi ula plie ia kane ka Mela, kaba la buh ban sam haduh 71,556 tylli ki shithi thungkam sha ki samla ba dang shu shah jied ban iohkam ha kylleng ka Ri.
