Ioh kurup ki pulit ia u drok heroin ba shongdor T. 8 klur na Karbi Anglong

Date:

Share post:

Diphu, Nailar 01 :Ki bor pulit ha Karbi Anglong district ka Assam ki la ioh ban kurup ia u drok u ba shongdor haduh T. 8 klur ha ki jaka iew beain ki ri ka pyrthei.

Halor kane na ka liang kibor pulit ki la ioh ruh ban kem noh ia arngut ki briew. Kane ka jingioh kurup ka la wan long ruh lyngba ka jingiatreilang da ki bor pulit bad ki CRPF ha ha ki bynta jong ka Chariali ka ba hapoh Karbi Anglong district ka Assam.

Kane ka jingioh kurup ka la wan long hadien ba ki bor pulit ki la lapdien ia kawei ka kali ka ba wan na Dimapur, Nagaland. Hadien ba ki la pynlong ia ka jingtalasi, ki bor pulit ki la ioh ban kurup ia 75 ki synduk sabon ki ba don haduh 966 kilo u drok heroin.

Kitei ki briew ki ba la shah kem ha ryngkat utei u drok ki la kiar ban iaid na ka lynti ba ju pynlong ia ka jingtalasi ka ba khah khah bad rung shapoh Assam lyngba kiwei pat ki lynti napoh Nagaland.Ia kane la pyntip da u sub-divisional police officer (SDPO) ka Bokajan u John Das.

Halor kane ka jingioh kurup drok, na ka liang u Myntri Rangbah (CM) ka Assam u Himanta Biswa Sarma ruh u la ai ka jingkhublei ka ba kyrpang ia ki bor pulit ka Karbi Anglong halor kane ka jingkhynra ka ba jop.

Share post:

spot_img

Popular

More like this
Related

Kloi ka KHNAM ban iatreilang bad ka UDP/HSPDP lada ki mih noh naka MDA

Shillong, Jylliew 03 : Ka Khun Hynniewtrep National Awakening...

Sdang ki STEMS bus ban kit ia ki Khynnah Skul ha Nongbah Shillong

Shillong, Jylliew 03: Ka sorkar jylla haka 2 tarik...

Meghalaya State Leaque : Jam ka Shillong Lajong sha ka semi-phinal ban pynneh ia ka nam Champion

Shillong, Jun 3: Ka Shillong Lajong kala ioh rung...

Mad ka Nagaland ia ka jingkyrduh bording ba duna ka jingpynmih bording ki Hydro Project

Kohima, Jylliew 03: Ki paidbah ka Nagaland kila mad ia...