Shillong, Nailur 14 : Ki shipai BSF ka Meghalaya, kila ioh pynpulom ia ka kam khaii tuh ia ki masi sha Bangladesh bad ioh kurup haduh 64 tylli ki masi na khappud.
Kine ki masi ki dei kiba thmu ban khaii tuh na khappud ka West Jaintia Hills District ka Meghalaya.
Halor ki jingtip ba thikna, ki BSF ka 4th Battalion, kila pynlong ia ka jingkhynra hajan ka khappud bad ha ka jingkhynra, kila ioh kurup ia 64 tylli ki masi na kawei ka jaka khlaw, ba thmu ban khaii tuh sha Bangladesh.
Ia kine ki masi la aiti noh sha ki Pulit ba kin leh ia kaba donkam.
Ha kawei ka jingkhynra, ki shipai BSF kila ioh kurup haduh 12000 kilo ka shini bala pynkit ha ki lai tylli ki Bolero pickup, ba thmu ban khaii sha Bangladesh lyngba ki khappud ka East Khasi Hills.
Tang naduh u Kyllalyngkot 2024, ki shipai BSF kila ioh ban kurup haduh 800 tylli ki mai bad 2310 ton ka shini ba thmu ban khaii tuh sha Bangladesh na ki jaka khappud bapher bapher ka Meghalaya.
