Shillong Risaw 14: Ki shipai BSF jong ka 172 Bn BSF Meghalaya ha ka 13 tarik u Risaw, kila ioh ban pynpulom ia ka jingthmu ki nongkhaïï be-aiñ kiba thmu ban shalan ia ki 56 tylli ki masi shapoh ri Bangladesh.
Ki BSF kila pyntip ba ha kine ki 48 kynta kiba la dep kila ioh ban pynpulom iaka jingkhaïï masi be-aiñ sha ri Bangladesh lyngba ka thaiñ khappud kaba hap ha East Jaintia Hills.
Hadien ba kila ioh ia ki jingtip kiba paka, kila pynsangeh ia kawei ka kali ha ka jingkieng Sonapur ha East Jaintia Hills hynrei u nongniah ula pynher pynban ia katei ka kali sha ka thaiñ Umkiang bad ki BSF kila beh thong ia katei ka kali bad kila ioh ban bat hynrei u nongniah ula phet krad noh bad kila ioh kurup tang iaka kali kaba kit ia ki masi.
Ki BSF kila ioh kurup 35 tylli ki masi na katei ka kali bad ia kane ka kali ryngkat bad ki masi kiba la ioh kurup la aiti noh sha ka Police Outpost Umkiang ba kan leh ia kaba donkam.
Ha kawei pat ka jingkhynra, ka 172 Bn BSF Meghalaya kala pyntip ba kala ioh ban kurup 21 tylli ki masi kiba la buhrieh ha kawei ka khlaw kaba don ha khappud bad ia kitei ki masi la thmu ban khaïï sha ri Bangladesh.
