Aizawl, Risaw 16: Haduh kumba 140 tylli ki jait mrad kiba kham pher kynthup ia ki sim la ioh ban kurup da ki bor pulit ka Champhai hynnin ka sngi Saitjain.
Ia kine ki mrad ba la ioh kurup la suba ba la khaii beain napoh Myanmar.
Katkum ki pulit ka Myanmar, ia kine ki mrad la ioh ban kurup hadien ba la ioh ia ka jingtip kaba thikna hapdeng ki bor pulit ka Champhai, ka tnat Excise bad ka Narcotics Department.
Ia kine ki mrad la pynkit lyngba ki laitylli ki kali SUV da ki laingut ki briew ia kina la suba ba ki dei ki dkhot jong ki kyhun nongkhaii beain ka pyrthei.
Ia kine ki laingut ki briew ba la ioh kem la tip kyrteng kum u Lalremruata (38), Tinkhuma (38) bad u E.Lalmuanpuia (29snrta). Baroh ki dei ki nongshong shnong ka Champhai.
Kine ki mrad bad ki sim ba la ioh pyllait im ki kynthup Ia 30 tylli ki Dkar, artylli ki shrieh, ar ki shrieh Marmoset, 22 ki bsein Python, 18 ki jait mrad kiba syriem Ia ki Kuratia, 55 ki khun Kuratia, saw ki sim bowelbird, saw ki kynja miaw Servel cat, ar ki Marmoset bad iwei i kynja kangaroo ba la tip kum ki Albino wallaby.
Ka jingtohkit ha kaba iadei bad kane ka jingioh kurup ka la iaid shakhmat.
