SHILLONG, FEB 28: Ka Director General of Police (DGP) ka Kong Idashisha Nongrang kala kyntait ban iakren eiei halor ka jingbthei hapoh ka par dewiong da kaba ong, ba kane ka kam ka don hapoh ka jingtian bishar ka iingkashari.
“Ngam kwah ban ong eiei halor kane, namar ba ka don hapoh ka jingtian bishar ka iingkashari ne ‘Subjudice’, ka jingtian bishar biang ia kane kan long ha ka 5 tarik u Lber” ong ka DGP bad ka bynrap, ba ki pulit ka East Jaintia Hills bad kiwei pat ki tnad kila shim ia ki sienjam.
Halor ka jingiai bteng ban pynkhlain ia ki bor pahara, ka Kong Nongrang kala ong, ba kila don 5 tylli ki kynhun ryngkat bad ki Magistrate, ki ophisar ka tnad Mining bad Transport kiba leit ban pynlong ia ka jingkhynra man la ka sngi.
“Wat hynin ka sngi, kumba 62 metric ton u dewiong la ioh ban kurup” kala ong.
Haba kylli ia ka jingdon bun ki pulit, ka DGP kala kubur ia ka jingdon duna jong ki pulit bad kala iathuh ba ha ka taiew ban wan, yn sa pynrung kam thymmai ia ki 2800 ngut.
“Kin dang hap ban leit pyndep ha kaban ioh jinghikai pyntbit. Ngi dang khmih lynti ba kan shim por kumba 9 10 bnai eiei hashwa ba kin ioh ban pynkhamti ia ka kam ha ki” kala ong.
 ka Kong Idashisha Nongrang kala kyntait ban iakren eiei halor ka jingbthei hapoh ka par dewiong da kaba ong, ba kane ka kam ka don hapoh ka jingtian bishar ka iingkashari.){kind=link}