Shillong, Nailur 27: U Myntri ka tnat kam jngohkai pyrthei bah Paul Lyngdoh ula iathuh ba ka Ropeway Project na Shillong Peak kala ioh lut ia baroh ki jingbit kynthup na ki shipai ka 101 Area bad naka tnat khlaw.
U bah Paul ula ong ba lyngba kane ka jinglait naki jyrwit jyrwat, ka sorkar shen kan sa khot noh iaka expression of interest (EOI) haba iadei bad kane ka project.
Ula ong ba ka sorkar ka kyrmen ba hashsuwa ban kut u snem 2023, yn ioh sdang noh iaka Ropeway Project na Shillong Peak.
Lah ban kdew baka kynhun Myntri sorkar jylla ha u bnai Nailuer 2022 kala mynjur ban tei daka Ropeway Project naka bynta ka leit ka wan ki paidbah haka jinglut kaba kot shaka T.138 klur.
Kane ka Ropeway Project kan sdang na Madan Laban shaduh Lumparing ter ter sha Shillong Peak bad kane ka Rope Way kan don 12 tylli ki Cables bad ia kane ka Project yn pyntreikam katkum ki juk stad naki ri European.
